Ulytaý oblysyndaǵy kenishte jumysshy qaza tapty

ULYTAÝ. QazAqparat - Ulytaý oblysyndaǵy «Órken» JShS kenishinde jumysshy qaza tapty, dep habarlaıdy QazAqparat tilshisi.

Qazirgi ýaqytta arnaıy komıssııa 39 jastaǵy uńǵymashynyń mert bolý sebebin anyqtap jatyr. Aldyn ala boljam boıynsha, kenshi taý jynystary úıindisiniń astynda qalyp qoıǵan.

«Órken» JShS kenishinde jazataıym oqıǵa bolǵanyn qatty ókinishpen habarlaımyz. 1984 jyly týǵan uńǵymashy qaza tapty. Arnaıy komıssııa quryldy, is tergelip jatyr», - dep habarlady mekemeniń baspasóz qyzmetinen.

Kásiporyn basshylyǵy marqumnyń jaqyndaryna kóńil aıtty.

«Qaza tapqan qyzmetkerdiń otbasyna barlyq qajetti qoldaý ujymdyq kelisimshartqa sáıkes kórsetiletin bolady», - dep jazdy kompanııa ókilderi.