Ulytaý oblysynda jol boıynda kólik órtenip, júrgizýshi mert boldy
19:48, 25 Qazan 2022
SÁTBAEV. QazAqparat – Áleýmettik jelide Sátbaev qalasynda kóliktiń órtenip jatqan vıdeosy paıda boldy, dep habarlaıdy QazAqparat Ulytaý oblystyq polıtsııa departamentiniń baspasóz qyzmetine silteme jasap.
«25 qazan kúni Jezqazǵan – Esil – Petropavl trassasynda, Sátbaev qalasynan Jezqazǵanǵa shyǵa berer jolda Mercedes kóliginiń 58 jastaǵy júrgizýshisi rýlge ıe bola almaı, qalanyń ataýy jazylǵan baǵanǵa soǵylǵan. Oqıǵa saldarynan kólik órtenip, júrgizýshi oqıǵa ornynda mert boldy»,-dep habarlady Ulytaý oblystyń Polıtsııa departamentiniń baspasóz qyzmeti.
Atalǵan fakt polıtsııada tirkeldi. Tıisti saraptamalar taǵaıyndalyp, tergeý júmystary júrip jatyr.
Vıdeodan alynǵan kadr