Ulytaý oblysynda joǵalyp ketken 4 balyqshydan habar jetti
21:16, 15 Qazan 2022
JEZQAZǴAN. QazAqparat – Ulytaý oblysynda joǵalyp ketken 4 balyqshydan habar keldi, dep habarlaıdy QazAqparat Ulytaý oblystyq Tótenshe jaǵdaılar departamentine silteme jasap.
«18-35-te balyqshylar baılanysqa shyqty. Jezdi aýylynan 20 km jerde kólikteri buzylǵan (medıtsınalyq kómekti qajet etip otyrǵan joq)»,-delingen Ulytaý oblystyq Tótenshe jaǵdaılar departamentiniń baspasóz qyzmeti taratqan habarlamada.
Osyǵan deıin habarlanǵanyndaı, 4 balyqshy 13 qazanda Sátbaev qalasynan shyǵyp, Ulytaý aýdany Baıqońyr aýylyndaǵy Dýylǵaly ózeni aýdanyna jolǵa shyqqan. 15 qazan kúni Ulytaý oblystyq Tótenshe jaǵdaılar departamentiniń kezekshilik bólimine balyqshylardyń týystarynan baılanystyń úzilgeni týraly habar jetken. Balyqshylardyń bolýy múmkin aýmaǵyna qutqarýshylar shyqty.