Ulytaý oblysynda joǵalǵan úsh adam tabyldy

ASTANA. QazAqparat – Bıylǵy 5 qańtarda Ulytaý oblysynyń Ulytaý aýdanynda úsh adamdy izdestirý-qutqarý jumystary sátti aıaqtaldy, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, joǵalǵan adamdar Burmash qystaýynan tabyldy. Olardyń arasynda zardap shekken eshkim joq, medıtsınalyq kómekti de qajet etpedi.

Tabylǵan adamdardyń aıtýynsha, olar shyqqan kólik 12 km qashyqtyqtaǵy Burmash qystaýynyń janynda qalyń qardan júre almaı qalǵan.

Esterińizge sala keteıik, bıylǵy 4 qańtarda 2023 jylǵy 2 qańtar kúni Qarsaqpaı kentinen úsh adam kólikpen Burmash qystaýyna shyǵyp, olarmen baılanys úzilgeni týraly ótinish kelip túsken bolatyn. Adamdardy izdeý jumystary bir táýlikten astam ýaqytqa sozyldy.

Joǵalǵan eki adamdy izdeý jumystary áli de jalǵasýda.

Ulytaý oblysynyń TJ departamenti qys mezgilinde qaýipsizdik erejelerin saqtaý qajettigi týraly eskertedi, aýa raıyna baılanysty eskertýlerge nazar aýdaryńyz jáne kún buzylǵan jaǵdaıda úıde bolyńyz!

Osyǵan baılanysty, qys mezgilinde tótenshe jaǵdaılardyń aldyn alý úshin kelesi mańyzdy erejelerdi eske salamyz:

- Azamattar avtomobıldermen jolǵa shyqpas buryn aýa-raıyna jáne onymen baılanysty eskertýlerge nazar aýdarýy kerek;

- Jazǵy dońǵalaqtardy qysqy dońǵalaqtarǵa aýystyryp, kólikte kúrek pen balta, jyly zattar, sirińkeler men shamdar, azyq-túlik pen janar-jaǵarmaı qory, qural-saımandar jıyntyǵy men súıretý kabeli, alǵashqy medıtsınalyq kómek qobdıshasy jáne zarıadtalǵan uıaly telefon bolýy qajet.

Tótenshe jaǵdaı týyndaǵan jaǵdaıda qutqarý qyzmetiniń táýlik boıǵy «112» biryńǵaı nómirine nemese «101» nómirine qońyraý shalyńyz.

Foto: t.me/qr_tjm