Ulytaý oblysynda joǵalǵan eki qoıshy 8 kúnnen beri izdestirilýde
Búgin, 9 qańtarda izdeý jumystaryna TJM avıatsııasy jumyldyryldy. Іzdestirý júrgizilgen baǵyt Jezqazǵan qalasy - «Toba» qystaǵy jáne «Kishi Kıik» qystaǵy - Jezqazǵan qalasy.
Іzdestirýge Ulytaý aýdany boıynsha Tótenshe jaǵdaılar departamentiniń, Polıtsııa departamentiniń jáne jergilikti atqarýshy organdardyń kúshteri men quraldary jumyldyryldy.
Eske salsaq, «Kishi Kıik» qystaýynyń 58 jastaǵy jumysshysy 31 jeltoqsan kúni qystaqtan belgisiz baǵytta shyǵyp ketken bolatyn. Joǵalǵany týraly 2 qańtarda habarlandy. Іzdestirý jumystary 8 táýlik boıy júrgizilýde.
Sondaı-aq 3 qańtar kúni keshke «Toba» qystaǵynyń ıesi 44 jastaǵy qoıshy mal izdeýge shyǵyp, oralmaǵany týraly habarlaǵan.
«Eki adamdy izdeý jumystary jalǵasýda. TJ departamenti qys mezgilinde qaýipsizdik erejelerin saqtaý qajettigi týraly eskertedi. Daýyldy eskertýlerge nazar aýdaryńyz jáne aýa raıy nasharlaǵan jaǵdaıda úıde bolyńyz», - dedi vedomstvodan.
Tótenshe jaǵdaı kezinde qutqarý qyzmetiniń táýlik boıǵy «112» biryńǵaı nómirine nemese «101» nómirine qońyraý shalýǵa bolady.
Foto: t.me/qr_tjm