Ulytaý oblysynda poıyz alty jylqyny qaǵyp ketti

JEZQAZǴAN. QazAqparat - Ulytaý oblysynda jolaýshylar poıyzy alty jylqyny qaǵyp ketti, dep habarlaıdy QazAqparat polıtsııaǵa silteme jasap.

4 aqpan Manadyr-Jomart aralyǵynda «Almaty-Jezqazǵan» jolaýshylar poıyzynyń mashınısi temirjol joldarynda jaıylyp júrgen jylqylardy baıqap, olardy soqpas úshin shuǵyl tejeýdi qoldanǵan.

Biraq apattyń aldyn alý múmkin bolmady. Poıyz 6 jylqyny qaǵyp ketti.

Kólik oqıǵa ornynda 8 mınýtqa aıaldady.

Atalǵan fakti boıynsha oqıǵa ornyna jedel-tergeý toby bardy.

Maldyń ıesi 59 jastaǵy jergilikti turǵynǵa QR ÁQBtK 559-babynyń 1-bóligimen 5 AEK mólsherinde aıyppul salyndy.