Ulytaý oblysynda munaı óńdeý zaýytyn salý qajettiligi pysyqtalýy tıis – Úkimet basshysy

ASTANA. QazAqparat – Ulytaý oblysynda munaı óńdeý zaýytyn salýdyń qajettiligi týraly másele pysyqtalýy tıis. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Energetıka mınıstrligi árbir jylý elektr ortalyǵynyń jaǵdaıyna keshendi túrde taldaý júrgizýi qajet. Ásirese, jeke menshiktegi obektilerge erekshe nazar aýdaryńyzdar. «Tarıfti ınvestıtsııaǵa aıyrbastaý» baǵdarlamasy aıasynda olardy jańǵyrtýdy qarjylandyrý máselesin pysyqtaý, sondaı-aq Jańa tarıftik saıasat qaǵıdalaryn qabyldaýdy qamtamasyz etý qajet», - dedi Premer-Mınıstr.

Sonymen qatar Úkimet basshysy Ulytaý oblysynda munaı óńdeý zaýytyn salýdyń qajettiligi týraly másele pysyqtalýy tıistigin basa aıtty.

«Samuryq-Qazyna» qorymen birlesip, Almatydaǵy 2-shi jáne 3-shi jylý elektr ortalyqtaryna qajetti gaz ınfraqurylymyn tartý boıynsha daıyndyqty jáne konkýrstyq rásimderdi jedeldetý qajet», - dedi Álıhan Smaıylov.

Foto: brookings.edu