Ulytaý oblysynda máslıhat saılaýyna qatysqan partııalar qansha daýys jınady

JEZQAZǴAN. QazAqparat – Ulytaý oblysy boıynsha máslıhat saılaýynyń qorytyndysy shyqty. Bul týraly QazAqparat tilshisi óńir ákimdiginiń resmı saıtyna silteme jasap habarlaıdy.

Ulytaýda jalpy sany 141 285 saılaýshy tirkelgen. Degenmen onyń ishinde 82 999 adam daýys berýge kelgen.

Ulytaý aýmaqtyq saılaý komıssııasynyń málimetinshe, oblys boıynsha 82 999 saılaýshy daýys berdi.

Al saılaýǵa 6 saıası partııa qatysty.

Komıssııa qorytyndysyna sáıkes, máslıhat saılaýyna qatysqan partııalar saılaýshylar daýsyn bylaı bólisken:

1. Amanat partııasy – 57,83 % nemese 47 409 adam daýys berdi;

2. «Aýyl» halyqtyq-demokratııalyq partııasy – 11,17% nemese 9 159 adam daýys berdi;

3. Respublica partııasy – 3,45% nemese 2 827 adam daýys berdi;

4. Qazaqstan halyq partııasy – 4,19 % nemese 3 435 adam daýys berdi;

5. «Baıtaq» jasyldar partııasy – 7,35% nemese 6 022 adam daýys berdi;

6. «Aq jol» demokratııalyq partııasy – 14,48 % nemese 11 874 adam daýys berdi.

Al 1252 adam «Bárine qarsymyn» baǵanyn tańdaǵan.

«Daýys berýge qatysqan saılaýshylar daýysynyń 5 jáne odan kóp paıyzyn alǵan saıası partııalar úshin depýtattyq mandattardyń bylaısha bólindi: «Amanat» partııasy – 8 mandat, «Aýyl» halyqtyq-demokratııalyq patrıottyq partııasy – 2 mandat, Qazaqstannyń «Baıtaq» jasyldar partııasy - 1 mandat, «Aq Jol» Qazaqstannyń demokratııalyq partııasy -2 mandat», - dedi aýmaqtyq saılaý komıssııasynyń tóraǵasy B.Bıtenova.