Ulytaý oblysynda kásibı fýtbol klýby qurylady

JEZQAZǴAN. QazAqparat – Ulytaý oblysynyń ákimi Berik Ábdiǵalıuly men «Qazaqstan fýtbol federatsııasy» zańdy tulǵalar birlestigi qaýymdastyǵynyń prezıdenti Ádilet Barmenqulov yntymaqtastyq memorandýmyna qol qoıdy.

Bul týraly QazAqparat tilshisi atalǵan óńir ákimdiginiń baspasóz qyzmetine silteme jasap habarlaıdy.

Jergilikti quzyrly organ málimetinshe, memorandým aıasynda Ulytaý oblysynda kásibı fýtbol klýbyn qurý josparlanǵan.

«2023 jyldyń naýryz aıynda bastalatyn fýtboldan Qazaqstan chempıonatynyń ekinshi lıgasyna qatysýǵa ótinim berý úshin Ulytaý oblysynan qurylatyn fýtbol komandasy barlyq kúsh-jigerin jumsaý kerek. Bul baǵyttaǵy jumys bıýdjetke qosymsha júktemesiz júrgiziletin bolady. Jumys birden úsh baǵytta bastalady: oblystyq fýtbol federatsııasyn ashý, kásibı fýtbol klýby men balalar-jasóspirimder akademııasyn qurý», - dep málim etti ákimdiktiń baspasóz qyzmetinen.

Qazirgi ýaqytta Ulytaý oblysynyń eki qalasy men bir aýdanynda fýtbol sektsııalary bar. Onda jalpy sany 930 jasóspirim fýtbolmen aınalysady.

Foto: www.facebook.com/ulytau.gov.kz