Ulytaý oblysynda ınjenerlik ınfraqurylym 80% tozǵan
«Óńirde kóptegen problemalar sheshilmeı, qordalanyp qalǵany ózderińizge aıan. Ol kúrdeli ekologııalyq ahýal, aýyz sý sapasynyń tómendigi, oǵan qosa ınjenerlik ınfraqurylymdardyń tozýy 80% asady, apattyq turǵyn úı úlesi joǵary, joldardyń tozý deńgeıi shamamen 30%, aýyl sharýashylyǵy ónimderi men jemis-kókónis daqyldarynyń negizgi túrlerin ósirý múmkindiginiń joqtyǵy negizgi azyq-túlik ónimderi boıynsha baǵanyń ósýine áser etetin jáne oblys ekonomıkasynyń damýyn tejeıtin negizgi faktorlar bolyp otyr», - dedi Berik Ábdiǵalıuly Úkimettiń búgingi otyrysynda.
Ákim Ulttyq ekonomıka mınıstrligimen birlesip, Ulytaý oblysynyń áleýmettik-ekonomıkalyq damýynyń 2022-2026 jyldarǵa arnalǵan keshendi jospary ázirlengenin atap ótti. Keshendi jospar jobasy ártúrli salalar boıynsha jobalardy iske asyrýdy kózdeıtin 9 baǵyttaǵy 126 is-sharany qamtıdy.