Ulytaý oblysynda gaz ballony jarylyp, 16 adam zardap shekti
QR tótenshe jaǵdaılar mınıstrliginiń baspasóz qyzmeti taratqan aqparatqa qaraǵanda, aýrýhanaǵa jatqyzylǵandardyń ishinde bir adamnyń jaǵdaıy aýyr.
«2022 jylǵy 27 jeltoqsanda Ulytaý oblysynyń Jańaarqa kentinde jer úıdiń aýmaǵynda turǵan monshada turmystyq gaz ballony jaryldy. Nátıjesinde monsha shatyrynyń 100 sharshy metri buzylyp, 50 sharshy metr jeri jandy.
Tótenshe jaǵdaılar departamentiniń kúshteri jedel túrde órtti oqshaýlady.
Aldyn ala málimetter boıynsha, oqıǵa bolǵan úıde as berilgen.
Jarylys saldarynan zardap shekkenderdiń ishinde 8 adam úılerine jiberildi. Óıtkeni medıtsınalyq tekserý kezinde medıtsınalyq kómekti qajet etpedi.
Oqıǵa ornynda Jańaarqa kentiniń 6-ÓSB kúshteri men quraldary jumys istep jatyr: jeke quramnyń 4 adamy, TJB qyzmetkerleri – 2 adam jáne 1 birlik Ats-40 tehnıkasy. Jarylystyń sebebi men jaǵdaılary anyqtalý ústinde.
Aldyn ala málimetter boıynsha, qaýipsizdik talaptary óreskel buzylǵan, ıaǵnı gaz ballonyn aıazdan úıge ákelip, jylytý úshin jylytý qurylǵysynyń janyna ornatylǵan.
Foto: t.me/qr_tjm