Ulytaý oblysynda dostarymen birge demalyp júrgen jas jigit sýǵa batyp ketti

ASTANA. QazAqparat - Ulytaý oblysynda dostarymen birge demalyp júrgen jas jigit sýǵa ketti, dep habarlaıdy QazAqparat oblystyq TJD baspasóz qyzmetine silteme jasap.

«30 shildede, saǵat 17:30-da Keńgir sý qoımasynyń soltústik-shyǵys jaǵalaýynda 2000 jyly týǵan jas jigit tyıym salynǵan jerde sýǵa túsý kezinde batyp ketti. Oqıǵa týraly qutqarýshylarǵa birge demalysta bolǵan dostary habarlaǵan. Qutqarýshy-súńgýirler sýǵa batqan adamnyń denesin jaǵadan 8 metr qashyqtyqta, 3,5-4 metr tereńdikten tapty. Bul jerde sý qoımasynyń túbi bir kelki emes, tereńdikte kúrt tómendeıdi. Janynda bolǵan kýágerge ÁQBK-niń 412-baby boıynsha ákimshilik jaza belgilendi» delingen habarlamada.
Ulytaý oblysynyń TJ departamenti shomylý kezeńinde qaıǵyly jaǵdaıǵa jol bermeý úshin sýdaǵy erejelerdi saqtaýdy eskertedi:
- Jabdyqtalmaǵan jerlerde shomylýǵa qatań tyıym salynady!
- Júze almaıtyn bolsańyz, belden joǵary sýǵa túspeńiz!
- Balalardy qaraýsyz qaldyrmańyz!
- Mas kúıde shomylmańyz!
- Beıtanys jerlerde shomylmańyz!
- Túnde shomylmańyz!