Ulytaý oblysynda 110 medıtsınalyq kadr jetispeıdi
«Búgindi tańda óńirde (Ulytaý oblysy) qyzmet kórsetiletin halyqtyń sany 221 395 adamǵa 46 medıtsınalyq uıym jumys isteıdi. Onyń ishinde 35 – alǵashqy medıtsınalyq-sanıtarııalyq kómek uıymy, 11 – statsıonar. 2023 jylǵy 1 shildedegi jaǵdaı boıynsha memlekettik medıtsınalyq uıymdardyń medıtsına qyzmetkerlermen qamtamasyz etilýi 275 birlikti, tapshylyq – 111,5 birlikti quraıdy», - delingen Tamara Dúısenovanyń Májilis depýtattary saýalyna bergen jaýabynda.
Onyń atap ótýinshe, eń úlken qajettilik ftızıatrlarda, pedıatrlarda, sáýlelik dıagnostıka dárigerlerinde, kardıologtarda, akýshergınekologtarda baıqalady.
«Medıtsına qyzmetkerleriniń tapshylyǵyn azaıtý jáne kadrlardy tartý maqsatynda oblys máslıhatynyń sheshimimen osy jyly óńirge kelgen mamandarǵa kóterme járdemaqy 75 mln teńge (15 adamǵa) mólsherinde tóleýge soma kózdelgen. Budan basqa turǵyn úımen qamtamasyz etý (jataqhanalar salý) jáne jaldaý tólemderin tóleýge jergilikti bıýdjet qarajatynan bólý máseleleri pysyqtalýda», - dedi mınıstr.