Ulytaý aýdanynda týrızm qalaı damýda

ULYTAÝ. QazAqparat – Ulytaýda týrızmdi, turǵyn úı jáne demalys salalaryn damytýǵa erekshe kóńil bólinedi. Aýylda eki 16 páterli jáne eki 8 páterli úıler turǵyzylýda. Sapar ortalyǵy salyndy, dep habarlaıdy QazAqparat tilshisi.

Ulytaýǵa jumys sapary barysynda óńir basshysy Jeńis Qasymbek tórt kóppáterli turǵyn úıdiń qurylys alańdarynda boldy.

Qurylys jeke ınvestıtsııalar esebinen júrgizilýde. Turǵyn úı satyp alý quqyǵymen jalǵa beriletin bolady.

Sondaı-aq, oblys ákimi aýdanda týrızmdi damytýdyń draıveri bolýy tıis sapar-ortalyqqa bardy. Onda týrısterge yńǵaıly bolý úshin barlyq jaǵdaı jasalǵan:

qonaq úı, konferents - jáne aqparattyq zaldar. Sapar-ortalyqta týrıster Ulytaýdyń tabıǵı jáne tarıhı eskertkishteri týraly aqparatty kórneki ekspozıtsııa túrinde ala alady.

Ulytaý keleshekte etnografııalyq týrızmniń ortalyǵyna aınalýy tıis.

Jeńis Qasymbek Qarsaqpaı kentin de nazardan tys qaldyrmady. Onda bıylǵy jyly paıdalanýǵa berilýi tıis DSK-ny tekserdi. Ol 100 orynǵa eseptelgen. Dene shynyqtyrý jáne sport basqarmasynyń basshysy Temirhan Abylaev sport kesheninde jylytý ortalyqtandyrylǵan bolatynyn atap ótti.

Jóndeýdi qajet etetin Qarsaqpaı agrotehnıkalyq kolledjinde óńir basshysyna qurylys jumystarynyń nátıjesi kórsetilip, oqý protsesin uıymdastyrý týraly aıtyldy. Búginde munda 120 adam oqıdy.

Ulytaý aýdany boıynsha jumys saparynyń sońynda Jeńis Qasymbek Qarsaqpaıdaǵy DSK qurylysynyń barysyn baqylaýdy tapsyrdy.

«Nysandy ýaqytynda tapsyryp, turǵyndar kúzge qaraı osynda jumys isteı alýy mańyzdy», – dedi ákim.