Ulyqbek Esdáýlet Joldaý týraly: Halyqqa durys túsinidirý jumystaryn júrgizý kerek
«Elimizge ınvestıtsııa salýshylar bizdiń jerde máńgilik qalyp qoımaýlary kerek. Mysaly, shetelden kelgen ınvestor ózi salǵan ınvestıtsııasynyń qaıtarymyn alǵannan keıin elderine ketý kerek. Olardyń jerimizde máńgige qalyp qoıýlaryna jol berilmeýi kerek. Negizi osy másele boıynsha ekiushty daý-damaı, pikirler týyndamas úshin tıisti mamandar halyqqa durys túsinidirý jumystaryn júrgizý kerek», - dedi Ulyqbek Esdáýlet. Ol sondaı-aq búginde aýyldarda medıtsınalyq bólimshelerdiń joq bolýynan ondaǵy aǵaıyn emdelý úshin alysta jatqan qalalarǵa barýǵa májbúr ekenin aıtty. «Bala kúnimizde aýyldarda medıtsınalyq pýnktter bolatyn. Onda feldsher otyratyn. Balalarmen qatar úlkender de sol jerde qaralatyn. Qazir ondaı medpýnktter elimizde joq. Sondaı-aq, aýyldaǵy aǵaıyn emdelý úshin pálenbaı shaqyrym jerdegi qalalarǵa barýy kerek. Osy másele boıynsha Memleket basshysy Qasym-Jomart Toqaev Joldaýynda aldaǵy jyldary aýyldarda medıtsınalyq jáne feldsherlik-akýsherlik bólimsheler salynyp, qajetti qural-jabdyqpen tolyq qamtamasyz etiletinin aıtty. Bul óte jaqsy jańalyq boldy. Sebebi, bul másele burynnan belgili bolǵanymen, eskerilmeı júrgen sharýanyń biri edi», - dedi aqyn. Ol Prezıdenttiń Qostanaı oblysynda alapat órt bolyp jatqan kezde, Ahmet Baıtursynovtyń 150 jyldyq mereıtoıyn keıinge shegerý týraly pikiri óte oryndy ekenin atap ótti.
«Ahmet Baıtusynovtyń ómiri órttiń ishinde ótken ómir ǵoı. Bıylǵy mereıtoıy da týǵan jerinde alapat órttiń shyǵýymen tuspa-tus keldi. Sondyqtan Prezıdent ol jaqta el baspanasyz qalyp, kúızelip jatqan kezde, toı ótkizip jatqannyń jóni joq ekenin uqty. Qostanaıǵa ushyp bara salysymen, máselemen tikeleı ózi aralasyp, el-jurttan jaǵdaılaryn surap, olarǵa demeý bolatyndaı sózder aıtýy – onyń úlken parasatty beınesin kórsetti. Menińshe Memleket basshysy sondaı bolýy kerek. Áıtpese, ornyna jibere salatyn mınıstr, basqa da ýákilderi jeterlik qoı. Ahańnyń 150 jyldyq mereıtoıyn keıinge shegergeni durys sheshim boldy», - dedi ol. Ol sondaı-aq ult kóseminiń 150 jyldyq mereıtoıyna oraı elimizde ótip jatqan sharalar barysy týraly aıtyp berdi. «Ulanasyr, as ta tók toı ótpese de, Qazaqstannyń ózge óńirlerinde ǵylymı-praktıkalyq konferentsııalar, dóńgelek ústelder ótýde. Byltyr Almatydaǵy Ahańnyń mýzeı úıi memleket qaraýyna alyndy. Mýzeıge qazir kúrdeli jóndeý jumystary júrgizilýde», - dedi Ulyqbek Esdáýlet.
Ol Alash qaıratkeriniń mereıtoıyna oraı is-sharalar áli jalǵasyp jatqanyn aıtty.
«Biz qalalyq ákimdikpen birlese músháıra jarııalap jatyrmyz. Ǵylym akademııasy Ahmet Baıtursynovqa arnap akademııalyq tomdardy shyǵarady, búginde tolyq shyǵarmalar jınaǵy shyǵyp jatyr. Sonymen birge elimizde ornalasqan ózge elderdiń elshilikterinde de is-sharalar ótkizilýde», - dedi Qazaqstan jazýshylar odaǵynyń tóraǵasy Ulyqbek Esdáýlet.