Ulyq ulys – Uly dala tarıhy: Tanymal ǵalymdar Altyn ordanyń tarıhtaǵy rólin talqylady

NUR-SULTAN. QazAqparat - QR Ulttyq Akademııalyq kitaphanasynda Altyn ordanyń 750 jyldyǵyna arnalǵan «Ulyq ulys - Uly dala tarıhy» halyqaralyq konferentsııasyna ǵalymdar, zertteýshiler, Ázerbaıjan, Reseı, Armenııa jáne basqa da memleketterdiń sarapshylary qatysýda, dep habarlaıdy QazAqparat tilshisi.

«Mundaı shara ótkizýdi shyǵystanýshy ǵalymdar qanshama ýaqyt armandady. Bul konferentsııaǵa myńnan astam qazaqstandyq tarıhshylar qatysyp otyr. Ulyq ulystyń rólin obektıvti jáne ǵylymı túrde qozǵaý týraly taqyryp Tuńǵysh Prezıdent - Nursultan Nazarbaevtyń eńbekterinde de qozǵalǵan. Bul týraly onyń «Tarıh tolqynynda», «Qazaqstan joly», sondaı-aq «Uly dalanyń jeti qyry» eńbekterinde jazyldy. QR Prezıdenti Qasym-Jomart Toqaev álem tarıhyndaǵy Ulyq ulystyń róline erekshe kóńil aýdardy. Ol Shyńǵys hannyń úlken uly Joshynyń kesenesi Qazaqstan aýmaǵynda ekenin bári bilmeıtinin, Altyn ordanyń negizin qalaýshyǵa qurmet kórsetilýi kerek ekenin aıtqan. Ulyq Ulystyń memlekettik tili - qypshaq tili bolǵan. Tatar, noǵaı, qaraqalpaq tili qypshaq tiline óte uqsaıdy«, - deıdi Memleket tarıhy ınstıtýtynyń dırektory Búrkitbaı Aıaǵan.

Ǵalymdar Ulyq ulystyń paıda bolý jáne qurylý tarıhyna da toqtalyp ótti. Olardyń aıtýlarynsha, Altyn orda XIII ǵasyrdyń birinshi jartysynda paıda bolǵan. Tarıhtaǵy Altyn ordanyń róli týraly qazaqstandyq tanymal ǵalymdar Radık Temirǵalıev, Amangeldi Qashqynbaev, Aıbolat Kóshkinbaev ta aıtty.

Sonymen qatar, Nazarbaev ýnıversıtetiniń professory, túrkitanýshy ıÝlaı Shamıoglý kóptegen jyl boıy Altyn ordamen baılanysty málimetterdi zerttep júrgenin aıtty.