Ulybrıtanııanyń jańa úkimetinde mınıstrler taǵaıyndaldy

LONDON. QazAqparat – Seısenbi kúni keshke Ulybrıtanııanyń premer-mınıstri Lız Trass jańa úkimet mınıstrleriniń laýazymyn bóldi, dep habarlaıdy QazAqparat tilshisi Breitbart basylymyna silteme jasap.

Atap aıtqanda, Tereza Koffı Ulybrıtanııanyń Densaýlyq saqtaý mınıstri jáne premer-mınıstrdiń orynbasary qyzmetine taǵaıyndaldy.

Úkimettegi ortalyq, mańyzdy ári jetekshi laýazymdarǵa jaýapty bolyp kelgen Kvası Kvarteng qazynashylyq kantsleri nemese qarjy mınıstri bolyp, Djeıms Kleverlı – syrtqy ister mınıstri, Sýella Braverman ishki ister mınıstri laýazymyna taǵaıyndaldy.

Ben Ýolles qorǵanys mınıstri qyzmetinde qaldy. Onyń Borıs Djonson úkimeti tusynda Ýkraınadaǵy jaǵdaıdy retteýdegi jumysy joǵary baǵalandy jáne Torı basshylyǵy úshin kúreste aıtarlyqtaı sabyrly bola bildi.

Brendon Lıýıs ádilet mınıstri bolyp taǵaıyndaldy.

Eske salaıyq, Elızabet Trass Brıtanııanyń jańa premer-mınıstri atanǵany týraly buǵan deıin jazǵan edik.

Foto: gettyimages.com