Ulybrıtanııanyń Brıstol qalasynda oqyp jatqan qazaq jastary Naýryz meıramyn atap ótti

BRISTOLЬ. QazAqparat - Ulybrıtanııanyń Brıstol qalasynda oqyp jatqan qazaq jastary Naýryz meıramyn atap ótti. Sharanyń maqsaty - brıtandyqtar men shetel azamattaryna Naýryz merekesi arqyly Qazaqstandy, qazaqtyń mádenıetin, ónerin tanystyrý boldy.

Jastar kelgen qonaqtarǵa qazaq eliniń keshegisi men búgini týraly tanymdyq aqparat berip, qazaqsha bı bılep, Shámshiniń ánderin shyrqady. Kúı de tartyldy.


Sheteldikter qazaq ulttyq taǵamdary - naýryz kóje, baýyrsaqtardan dám tatyp, keshten alǵan áserlerimen bólisti. Qazaq ónerimen, asxanasymen tanysqan qonaqtar endigi jerde Qazaqstandy baryp kórýge yntaly ekendikterin bildirdi.

Brıstol - Ulybrıtanııanyń ońtústik-batysynda ornalasqan, xalqynyń sany jarty mıllıon bolatyn úlken qalalardyń biri.

Avtor: Jasulan Maılybaı, Brıstol ýnıversıtetiniń magıstranty