Ulybrıtanııadaǵy qonaqúılerden 200 bosqyn bala joǵaldy

LONDON. QazAqparat – Ulybrıtanııanyń ishki ister mınıstrligine qarasty qonaqúılerge ornalastyrylǵan 200 bosqyn bala iz-túzsiz joǵalyp ketti, dep habarlaıdy QazAqparat tilshisi.

Buǵan deıin Observer basylymy óz derekkózderine silteme jasap, bosqyn balalar Ulybrıtanııanyń Іshki ister mınıstrligine qarasty qonaqúıler mańynda urlanǵanyn jazǵan.

«Іshki ister mınıstrliginiń bul qonaqúılerden pana izdegen balalardy ertip júrýinsiz ustaýǵa quqyǵy joq. Biz olardyń keıbiri iz-túzsiz joǵalyp ketkenin bilemiz», - dedi Ulybrıtanııa ishki ister mınıstriniń orynbasary Saımon Mıýrreı brıtan parlamentindegi suraqtarǵa jaýap berip.

Ol iz-túzsiz joǵalǵandar tiziminde qazirgi ýaqytta 200 bala bar ekenin aıtty. Vıtse-mınıstr olardyń 88 paıyzy Albanııa azamattary ekenin atap ótti.

Brıtandyq ІІM 2021 jyldyń shildesinde qonaqúılermen kelisim-shart jasaı bastady. Sodan beri La-Mansh arqyly ata-anasyz kelgen balalar eldegi mýnıtsıpaldy mekemelerge aýystyrylǵanǵa deıin qonaqúılerde ortasha eseppen 18 kún boldy.

Úkimettik emes uıymdar balalardyń qonaqúılerden joǵalyp ketýine qatysty talaı ret alańdaýshylyq bildirip, olardyń qaýipsizdigin qamtamasyz etý úshin ІІM-ne kómek kórsetýdi usynsa da, úkimet bul usynystardy qabyldamady.

Foto:REUTERS