Ulybrıtanııadaǵy karantın turǵyndardy qalaı ózgertti

NUR-SULTAN. QazAqparat – Týra bir jyl buryn Ulybrıtanııanyń premer-mınıstri Borıs Djonson elde birinshi jalpyulttyq karantın engiziletinin jarııalady. Sol kezden beri sharalardy álsiretýdiń artynan lokdaýndar taǵy eki ret engizilgen, dep habarlaıdy QazAqparat VVS aqparattyq agenttigine silteme jasap.

Pandemııa kezinde Ulybrıtanııada 4,3 mln adam koronavırýsqa shaldyǵyp, 126,4 myń adam qaıtys bolǵan. Bul – Eýropadaǵy ólim-jitimniń eń nashar kórsetkishi.

23 naýryzda el koronavırýstan qaıtys bolǵan adamdardy bir mınýttyq únsizdikpen eske aldy.

Qoǵamdyq pikirdi suraý kezinde lokdaýn bolǵan bir jylda brıtandyqtar jańa jumys rejımine úırengenderin jáne ony ary qaraı jalǵastyra berýdiń mańyzdylyǵy týraly aıtqan. Jumys isteýshi turǵyndardyń 30 paıyzǵa jýyǵy úıden jumys isteýdi jalǵastyrǵysy keledi. Brıtanııa halqynyń úshten bir bóligi qajetti taýarlardy jaqyn mańdaǵy dúkennen satyp alýǵa úırenip qalǵan, al úlken sýpermarketterge tek bólek jaǵdaıda ǵana shyǵyp otyrady. Turǵyndardyń 40 paıyzǵa jýyǵy jaıaý júrýge úırenip, qoǵamdyq kólik qyzmetin meılinshe az qoldanatyn bolǵan.

Respondentterdiń qoǵamdaǵy ózgeristerge qatysty pikiri ekige bólindi: olardyń 38 paıyzy pandemııanyń túrli áleýmettik toptardyń arasyndaǵy bólinýshilikti kúsheıtkenin aıtsa, taǵy 35 paıyzy kerisinshe, brıtandyqtardyń uıymshyldyǵynyń artqanyna senimdi.

Germanııa bıligi eldegi lokdaýndy úsh aptaǵa uzartty, bul Pasha merekesiniń barlyq kezeńin qamtyp otyr. El kantsleri Angela Merkeldiń aıtýynsha, bul elde epıdemııanyń bastalyp otyrǵan úshinshi kezeńi jaǵdaıynda májbúrli shara bolyp otyr.

Ótken táýlikte Frantsııada aýrýǵa shaldyǵýdyń 15,7 myń jańa oqıǵasy tirkelgen, 471 patsıent qarqyndy terapııa bólimine tústi. Eldiń Densaýlyq saqtaý mınıstri Frederık Valletýniń aıtýynsha, aýrýhanalar qaıta tolyp ketken, aldaǵy eki-úsh aptada jańa naýqastar sanynyń aıtarlyqtaı ósýi kútilýde.

Danııa lokdaýnnan birtindep shyǵýǵa nıetti. Dúısenbi kúni keshke el kóshbasshylary ıesiniń kovıd-málimetteri kórsetiletin arnaıy ótkizý qaǵazyn engizý máselesin kelisti. Danııa bıliginiń pikirinshe, bul shara shashtaraz, meıramhanalar, kınoteatrlar men basseınder sııaqty bıznesterdi tezirek ashýǵa kómektesedi.