Ulybrıtanııada shetelge saparlaýǵa salynǵan tyıym shilde aıyna deıin uzartylmaq

NUR-SULTAN. QazAqparat – Brıtanııa bıligi halyqaralyq sapar jasaýǵa salynǵan tyıymdy shilde aıyna deıin uzartýǵa nıetti, al ony buzǵandarǵa 5 myń fýnt sterlıng kóleminde aıyppul salynady. Bul týraly QazAqparat The Times gazetine silteme jasap habarlaıdy.

Onyń málimetinshe, úkimet tıisti keńesterdi depýtattardyń qaraýyna 22 naýryzda bergen. Bul másele boıynsha daýys berý 25 naýryz kúnine belgilendi. Eger bul usynystar maquldansa, jańa erejeler aldaǵy dúısenbi kúni óz kúshine enýi tıis.

Basylymnyń naqtylaýynsha, el turǵyndaryna asa qajetti bolyp tabylmasa, shetelge sapar jasaýǵa 30 maýsymǵa deıin tyıym salynady. Syrt elderge tek jumys babymen, oqý, emdelý, aýyr halde jatqan týysy nemese dosyna barý, neke qııý nemese jaqyn týystyń úılený toıyna barý, kóship ketý nemese jyljymaıtyn múlikti satý sebebimen ǵana shyǵýǵa bolady.