LONDON. QazAqparat – Ulybrıtanııanyń ońtústiginde mıgranttarǵa arnalǵan barja-úı paıda boldy. Fýtbol alańynyń úlkendigindeı, bıiktigi úsh qabatty barjaǵa jýyrda álemniń túpkir-túpkirinen jınalǵan 500 adam qonystanbaq, dep habarlaıdy QazAqparat euronews-ke silteme jasap.
«Bıbbı Stokgolm» barjasy Portlend shaǵyn aralyna jetkizildi. El úkimetiniń josparyna sáıkes, bosqyndarǵa baspana berý júıesine túsetin salmaqty jeńildetý úshin munda 500 mıgrant er adam ornalastyrylady. Bul baspana suraǵandar ornalastyrylatyn qazirgi qonaq úılerdiń balamasy bolmaq.
Osylaısha, bılik júıeni ózgertý arqyly shyǵyndy qysqartýdy oılastyrǵan. Alaıda, bul jospardy barlyq jerde júzege asyrý múmkin bolmaı tur. Lıverpýl men Edınbýrgtegi porttar ıeleri jaǵalaýǵa eki kemeni kirgizbegen. Olarǵa myń bosqyndy ornalastyrý josparlanǵan edi.
Gúlnur Ǵazızqyzy
Ál-Farabı atyndaǵy QazUÝ jýrnalıstıka fakýltetiniń túlegi. Eńbek jolyn «Qazaq ádebıeti», «Saqshy» gazetterinen bastaǵan. «Dala men Qala» respýblıkalyq qoǵamdyq-saıası aptalyǵynda tilshi, jaýapty hatshy bolyp istedi. «Qazaqstan-Aqtaý» telearnasynyń tilshisi, «Qazaqstan» Ulttyq arnasynyń Mańǵystaý oblysyndaǵy menshikti tilshisi, Mańǵystaý oblysy ákimi baspasóz qyzmetiniń bas mamany, «Qazaqstan» RTRK» AQ Mańǵystaý oblystyq fılıaly dırektorynyń orynbasary – bas redaktory boldy.
Aqparat salasynyń úzdigi.
«QR Prezıdenti teleradıokesheninde» 2022 jylǵy 1 sáýirden bastap isteıdi. Kazinform halyqaralyq aqparat agenttigi basqarýshy dırektorynyń orynbasary – qazaq redaktsııasynyń bas redaktory.