Ulybrıtanııada koronavırýstyń taraý qarqyny údeı tústi
Bul týraly QazAqparat COVID-19 taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
Qazir 8 085 adam ortasha aýyr jáne aýyr jaǵdaıda statsıonarlarda em qabyldaýda. Vaktsınatsııanyń joǵary qarqynyna qaramastan vırýstyń taraý qarqyny artyp keledi. Ulybrıtanııa azamattary ımmýndaýdy koronavırýstan naqty qorǵanys retinde qabyldaıtyn Eýropadaǵy sanaýly elderdiń biri. Qazirgi ýaqytta COVID-19-ǵa qarsy tolyq vaktsınatsııalanǵan brıtandyqtardyń sany 65% jetti.
Amerıka Qurama Shtattarynda halyqtyń jekelegen sanattary úshin mindetti ımmýndaý rejımi engizilýde. Djozef Baıden COVID-19 vaktsınatsııasynyń jańa josparyn maquldady. AQSh Prezıdenti óte juqpaly «delta» shtamynyń taralýy uzaqqa sozylýy múmkin ekenin atap ótip, koronavırýstyń mýtatsııasynyń bul nusqasy jańa jaǵdaılardyń kóp bóligin quraıtynyn aıtty. Jańa josparǵa sáıkes AQSh federaldy Úkimetiniń barlyq qyzmetkerleri, sondaı-aq onyń merdigerleri COVID-19 vaktsınatsııasynan ótýi kerek.