Ulybrıtanııada koronavırýstyń taǵy bir jańa shtamy tabyldy

LONDON. QazAqparat – Sarapshylardyń pikirinshe, koronavırýstyń taǵy bir alańdaýshylyq týdyratyn nusqasy Ulybrıtanııadan tabylǵan. B1525 dep atalatyn nusqa 10 elde, sonyń ishinde Danııa, AQSh jáne Aýstralııada genomdy tizbekteý arqyly anyqtaldy. Edınbýrg ýnıversıteti zertteýshileriniń aıtýynsha, Ulybrıtanııada osy ýaqytqa deıin 32 jaǵdaı tabylǵan. Koronovırýstyń bul nusqasyn anyqtaý protsesi alǵash ret jeltoqsan aıynda Ulybrıtanııa men Nıgerııada júrgizildi, dep habarlaıdy QazAqparat Eminetra basylymyna silteme jasap.

Zertteýshilerdiń pikirinshe, bul nusqa óziniń genomyndaǵy V117 kent nusqasyna uqsas jáne kóptegen alańdaýshylyq týdyratyn mýtatsııalardy, sonyń ishinde E484K aqýyz mýtatsııasyn qamtıdy.

Bul E484K aqýyz mýtatsııasy Ońtústik Afrıka men Brazılııada paıda bolǵan vırýs shtamdarynda kezdesedi jáne vırýstyń organızmde paıda bolǵan beıtaraptandyratyn antıdenelerden aýlaq bolýyna kómektesedi dep sanalady.

Redıng ýnıversıtetiniń jasýshalyq mıkrobıologııa kafedrasynyń dotsenti Doktor Saımon Klark (Dr. Simon Clark) koronavırýs ınfektsııasynyń paıda bolý múmkindigine nemese aýrýdyń aýyrlyǵyna qansha mýtatsııa áser etetini belgisiz ekenin aıtty.

E484K mýtatsııasynyń keıbiri birqatar vaktsınalarǵa tózimdi.

Klark alańdaýshylyq týdyratyn nusqalardy anyqtaý úshin koronavırýsty testileý sanyn kóbeıtý kerek dedi.