Ulybrıtanııada koronavırýstyń mýtatsııalanǵan jańa túri anyqtaldy

NUR-SULTAN. QazAqparat – Ulybrıtanııada koronavırýstyń jańa mýtatsııalanǵan túri anyqtaldy. Shanhaıdyń 26 mln turǵyny koronavırýs antıdenelerine analız tapsyrýǵa mindetteldi. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Ulybrıtanııada koronavırýstyń «omıkron» shtamynyń jańa mýtatsııalanǵan túri – HE anyqtaldy. Sarapshylardyń pikirinshe, HE aldyńǵy nusqalarǵa qaraǵanda qanshalyqty juqpaly ekendigi týraly qorytyndy jasaý ázirge erterek. Ulybrıtanııanyń Densaýlyq saqtaý agenttigi jańa nusqany zerdeleýde. Ázirge sarapshylar bul mýtatsııany juqtyrý qarqyny «stels-omıkron» nemese «omıkron» BA.2 túriniń taralýynan aıtarlyqtaı erekshelenbeıtinin atap ótti. Alaıda, sońǵy zertteýler boıynsha XE-diń juǵý jyldamdyǵy «stels-omıkronǵa» qaraǵanda 9,8% joǵary.

3 sáýirde Shanhaı bıligi shamamen 26 mıllıon halqy bar qalanyń barlyq turǵynyn antıdenelerdiń bar-joǵyn tekserýge jáne anyqtalǵan oń nátıjeler týraly jedel habarlaýǵa mindettedi. Dúısenbide azamattar vırýstyń bar-joqtyǵyn anyqtaý úshin PTR testini tapsyrýy kerek.

Jýrnalısterdiń aıtýynsha, qalada koronavırýs ınfektsııasynyń kóptegen jaǵdaılary sımptomsyz bolyp tabylady. Jalpy, kontınentaldy Qytaıda sońǵy táýlikte COVID-19 juqtyrýdyń klınıkalyq belgileri bar 1506 jáne sımptomsyz 11 781 deregi anyqtaldy. Barlyǵy da vırýstyń el ishinde taraǵan jaǵdaılary.