Ulybrıtanııada koronavırýs juqtyrǵandar sany bir aptada 32% ósti

NUR-SULTAN. QazAqparat –Ulybrıtanııada koronavırýsqa shaldyqqandar sany áli de artýy múmkin, dep habarlaıdy QazAqparat BBC silteme jasap.

Ulybrıtanııanyń densaýlyq saqtaý qaýipsizdigi agenttiginiń atqarýshy dırektory Djennı Harrıs elde bir aptada koronavırýs juqtyrǵandar sany 32 paıyzǵa óskenin aıtty. Ótken aptada qaýipti ınfektsııaǵa shaldyqqandar sanynyń shamamen 500 myńǵa artýy Omicron-nyń BA.4 jáne BA.5 dep atalatyn eki túriniń jyldam taralýyna baılanysty. 30 maýsymda Anglııada vırýs juqtyryp, aýrýhanada tósek tartqandar sany shamamen 9 myń adam bolǵan. Bul aı basyndaǵy kórsetkishten eki ese kóp.

Jalpy Anglııada koronavırýs anyqtalǵan turǵyndar sany 1 829 100 adamǵa jetken. Bul halyqtyń 3,35%-yn qurap otyr. Ýelste bul kórsetkish 106 myń boldy, bul halyqtyń 3,49% nemese shamamen 30 adamnyń birin quraıdy. Soltústik Irlandııada test tapsyrǵandardyń ishindegi 71 myń adamnan vırýs anyqtalǵan.

Foto: www.gettyimages.com