Ulybrıtanııada elektr jaryǵynyń tapshylyǵynan dámhanalar jumys ýaqytyn qysqartty

LONDON. QazAqparat – Brıtandyq kafeler, barlar men meıramhanalardyń úshten birinen astamy sońǵy úsh aıda jumys ýaqytyn qysqartty. Bul elektr energııasyn únemdeý maqsatynda jasalýda, dep habarlaıdy QazAqparattyń menshikti tilshisi Koroldiktiń Ulttyq statıstıka qyzmetine silteme jasap.

Ulybrıtanııadaǵy tamaqtaný oryndarynyń shamamen 6%-y aptasyna eki kún jumys istemeıdi, 7%-y bir kún ǵana jumys isteıdi, al 21%-y jumys ýaqytyn qysqartty. Tutastaı alǵanda, energııa shyǵyndary bıyl Ulybrıtanııadaǵy barlyq kásiporyndar úshin úlken qıyndyqqa aınalyp otyr. Energııa baǵasyn basty másele dep esepteıtinderdiń úlesi aqpan aıynyń sońynda 15%-dan sáýirde 21%-ǵa deıin ósti jáne sodan beri osy deńgeıde. Ulybrıtanııadaǵy tutyný baǵalarynyń ındeksi qyrkúıek aıynda jyldyq mánde 10,1%-ǵa ósti. Inflıatsııa negizinen elektr energııasynyń, gazdyń jáne basqa da otynnyń qymbattaýyna, sondaı-aq azyq-túlik pen kólik shyǵyndaryna baılanysty artty.