Ulybrıtanııada benzın baǵasy sharyqtap ketti

NUR-SULTAN. QazAqparat – Brıtandyq RAC avtomobıl uıymynyń málimetinshe, keıingi bir aıda benzın baǵasy jańa rekordtyq joǵary deńgeıge jetti, dep habarlaıdy QazAqparat tilshisi BBC News-ke silteme jasap.

Reseı munaıyna táýeldilikti azaıtý sharalary janar-jaǵar maı baǵasynyń ósýine, sonyń saldarynan basqa da taýarlar men qyzmetterdiń qymbattaýyna yqpal etken.

Qazirgi kezde benzınniń ortasha baǵasy – lıtrine 186,59 pens, al dızel otynynyń baǵasy – 192,48 pens, ıaǵnı mamyr aıynyń aıaǵynan beri 7,4% jáne 5% ósken.

RAC ókili Saımon Ýılıams qazir otbasylyq kólik bagyn benzınmen toltyrý shamamen 103 fýnt sterlıng, al dızel otynyna 106 fýnt sterlıngke túsetinin aıtty. Bul - burynǵydan 7-11 fýnt sterlıngke artyq.

RAC el úkimetin janar-jaǵar maı salyǵyn azaıtýǵa úndedi.

Ulybrıtanııa úkimeti otyn, elektr energııasy men azyq-túlik baǵasynyń sharyqtap ketýine baılanysty halyqtyń áleýmettik osal toptaryna kómektesý úshin 37 mlrd fýnt sterlıng kóleminde kómek paketin daıyndady.