Ulybrıtanııada 6,3 mln adam koronavırýsqa qarsy vaktsına saldyrdy

NUR-SULTAN. QazAqparat - Koronavırýsqa qarsy vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Komıssııanyń málimetinshe, Eýropalyq keńes basshysy Sharl Mıshel COVID-19 vaktsınatsııasy týraly biryńǵaı sertıfıkat engiziletin habarlaǵan.

«Aldymen bul tek medıtsınalyq qujat bolady. «Kelesi kezeńderde bul sertıfıkattardy ózgede maqsattarda qoldaný múmkindigin qarastyratyn bolamyz», - dep tolyqtyrdy Eýropalyq Keńes basshysy.

»Qolda bar koronavırýsqa qarsy vaktsınalar Ońtústik Afrıkada tabylǵan vırýstyń jańa mýtatsııasyna qarsy tıimdiligi tómen», dep sanaıdy ımmýnolog, Frantsııa úkimeti janyndaǵy COVID-19 ǵylymı keńesiniń jetekshisi Jan-Fransýa Delfressı.

Ǵalymnyń pikirinshe, vırýstyń jańa shtamdarynyń Frantsııaǵa enýi búkil elde jańa lokdaýn engizilýine sebep bolady.

Izraıl bıligi 31 qańtarǵa deıin barlyq áýe qatynasyn toqtatty.

Tel-Avıvtegi Ben Gýrıon halyqaralyq áýejaıy bir aptaǵa tolyǵymen jabyldy.

Bılik bul shara SARS-CoV-2 vırýsynyń jańa shtamdarynyń elge enýine jol bermeıdi dep úmittenedi.

Shvetsııa, Norvegııa koronavırýstyń «brıtandyq shtammynyń» taralýyna baılanysty aradaǵy shekarany jaýyp tastady.

Shvetsııanyń ishki ister mınıstri Mıkael Dambergtiń aıtýynsha, sheshim kem degende 14 aqpanǵa deıin kúshinde bolady.

Ulybrıtanııada sońǵy táýlikte rekordtyq 491 970 adam koronavırýsqa qarsy ekpe aldy.

Memlekette ekpe alǵan adamdardyń jalpy sany 6,3 mıllıonnan asty.

Ótken aptada COVID-19-dyń 251 myńnan astam jańa jaǵdaıy tirkeldi, bul bir apta burynǵy kórsetkishten 22 paıyz tómen.

Berlındegi Gýmboldt klınıkasynda koronavırýstyń «brıtandyq shtammyn» 20 adam juqtyrǵan.

Osyǵan baılanysty 1 500-ge jýyq dáriger, medbıkeler jáne basqa da medıtsınalyq jáne ákimshilik qyzmetkerler karantınge jiberildi.

Sonymen qatar, klınıkanyń 400-ge jýyq patsıenti oqshaýlanǵan.