Ulybrıtanııada 20 myńǵa jýyq temirjolshy ereýilge shyǵady

LONDON. QazAqparat - 2 maýsymǵa belgilengen ereýilge Ulybrıtanııanyń 14 temirjol kompanııasynyń 20 myńǵa jýyq qyzmetkeri qatysady, dep habarlaıdy QazAqparattyń menshikti tilshisi.

Aldaǵy ereýil týraly beısenbide brıtandyq temirjol, teńiz jáne kólik kásipodaǵy RMT habarlady.

Onyń ókilderi jumys oryndary, jalaqy jáne eńbek jaǵdaıy boıynsha kelise almaǵan.

Buǵan deıin Aslef kásipodaq uıymy 31 mamyr men 3 maýsymda brıtandyq 15 temirjol kompanııa mashınısteriniń ereýili týraly jarııalaǵan bolatyn.

Narazylyq sharalary 3 maýsymda brıtandyqtardyń «Manchester Sıtı» men «Manchester ıÝnaıted» arasynda ótetin Anglııa Kýbogynyń fınalyna barýyn qıyndatýy múmkin.

Myńdaǵan fýtbol jankúıeri Londondaǵy «Ýemblı» stadıonyna kólikpen nemese avtobýspen ǵana jete alady, bul qalada úlken kólik keptelisine ákelýi múmkin.

Úkimet pen kompanııalar temirjol salasy qarjylyq turaqtylyq problemalaryn bastan ótkerip jatqanyn, sondyqtan jalaqynyń joǵarylaýyn qamtamasyz etý úshin jumys tásilin ózgertý kerek deıdi.

Kásipodaqtar bolsa, jumys oryndary qysqaryp, eńbek jaǵdaıy nasharlap bara jatqanyn jáne jalaqy ınflıatsııadan áldeqaıda tómen ekenin aıtyp otyr.