Ulybrıtanııa patshaıymy II Elızaveta 96 jasynda dúnıeden ótti
00:09, 09 Qyrkúıek 2022
NUR-SULTAN. QazAqparat - Ulybrıtanııa patshaıymy II Elızaveta Balmoral saraıynda 96 jasynda qaıtys boldy, dep habarlaıdy QazAqparat tilshisi Euronews.com saıtyna silteme jasap.
Brıtandyq SІM bul oqıǵa týraly II Elızaveta resmı Memleket basshysy bolǵan 15 eldiń úkimetine, sondaı-aq Ulttar dostastyǵyna múshe 38 eldiń basshylyǵyna habarlady.
Patshaıymnyń qaıtys bolǵany týraly habarlanǵannan keıin Londonnyń ortalyǵyndaǵy barlyq úkimettik ǵımarattardaǵy memlekettik tý túsirildi.
Buǵan deıin monarh Balmoralda medıtsınalyq baqylaýda bolǵandyǵy týraly habarlanǵan edi.
Patshaıymnyń uly hanzada Charlz jáne basqa da otbasy músheleri Shotlandııadaǵy rezıdentsııasyna kelip, onymen birge boldy.