Ulybrıtanııa Parlamentiniń múshesi saılaýdyń uıymdastyrylý deńgeıin joǵary baǵalady

ASTANA. QazAqparat – Elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide Ulybrıtanııa Parlamentiniń múshesi Danıel Kavchınskı saılaýdyń uıymdastyrylý deńgeıine qatysty pikir bildirdi, dep habarlaıdy QazAqparat tilshisi.

«Biz Qazaqstandaǵy demokratııalyq ózgeristerdi baqylap otyramyz. Aldaǵy ýaqytta biz zań ústemdigi, adam quqyǵy baǵyttarynda seriktestikte jumys istegimiz keledi. Keńes Odaǵy ydyraǵannan keıin, qysqa ýaqyt ishinde demokratııany qalyptastary bilgen Qazaqstan halqyna alǵys bildirgim keledi», - dep málim etti ol.

Sonymen qatar, Danıel Kavchınskı saılaý protsesiniń joǵary deńgeıde uıymdastyrylǵanyn atap ótti.

«Birinshiden, saılaý jeksenbi kúni bolyp jatyr. Al bizde saılaý únemi beısenbi kúni ótedi. Al ol jumys kúni, sondyqtan kóbiniń qoly bosamaı jatady. Al, sizderde demalys kúni ótedi jáne adamdarda saılaýǵa qatysýǵa múmkindik bolady. Biz 10-nan astam saılaý ýchaskesinde boldyq. Ol jerlerde dárigerlerdi kórdik. Bul ásirese, ýchaskelerge keletin egde jastaǵy azamattarǵa óte qajet dep esepteımin. Meniń oıymsha, bul saılaýdyń óte joǵary deńgeıde uıymdastyrylǵanyn bildiredi. Men ózimniń eliminiń úkimetine de osy sharalar týraly aıtamyn. Sebebi mundaı bizge de kerek. Buǵan qosa, saılaý ýchaskelerinde mýzyka oınap turdy. Ol maǵan qatty unady. Biziń elimizdegi saılaý ýchaskelerinde barlyǵy resmı ótedi, kshkim kúle bermeıdi. Al Qazaqstanda saılaý erekshe jeńil aýrada ótip jatyr. Men ózimniń baıqaý mıssııamda Qazaqstannan kóp nárseni úırenip jatyrmyn jáne biz úlgi alamyz», - dep túıindedi Danıel Kavchınskı.

Buryn habarlaǵanymyzdaı, búgin Qazaqstanda Májilis pen máslıhat depýtattaryn saılaý ótip jatyr.