Ulybrıtanııa koronavırýs vaktsınasyn naýqasty emdeý úshin sátti qoldandy

NUR-SULTAN. QazAqparat – Polsha mindetti maska rejımin alyp tastady. Ulybrıtanııa koronavırýs vaktsınasyn indetti emdeý úshin sátti qoldandy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııa málimetine silteme jasap.

Ulybrıtanııada vaktsınatsııany koronavırýs ınfektsııasynyń aldyn alý úshin emes, ony emdeý úshin qoldanýdyń alǵashqy sátti jaǵdaıy baıandaldy. Koronavırýs ekpesi ımmýn tapshylyǵymen baılanysty tuqym qýalaıtyn sırek syrqaty bar naýqasty emdeýde tıimdi boldy. Endi ǵalymdar vaktsınatsııa uqsas jaǵdaılary bar basqa patsıentterdi emdeýge yqpal etedi dep úmittenedi.

Emdeýden sátti ótken naýqas – 37 jastaǵy er adam. Onda COVID-19-ǵa PTR testileý 7,5 aı boıy oń nátıje kórsetken. «Pfizer» vaktsınasynyń eki dozasy engizilgennen keıin vırýs aǵzadan túpkilikti joıylyp ketken. Ǵalymdardyń aıtýynsha, vaktsınatsııa naýqastyń ımmýndyq júıesin «qaıta bastaýǵa» múmkindik berdi jáne ol ınfektsııany óz baqylaýyna aldy.

Polsha bıligi 28 naýryzdan bastap maska taǵyp júrýdi jáne shetelden kelgen azamattar úshin karantın rejımin alyp tastaýdy sheshti. Bul týraly baspasóz máslıhatynda respýblıkanyń Densaýlyq saqtaý mınıstri Adam Nedzelskıı málimdedi.

Alaıda, bul talaptardyń alynýy medıtsına mekemelerine, onyń ishinde qyzmetkerler men patsıentterge qatysy joq.

Ózge barlyq nysanda 28 naýryzdan bastap atalǵan talaptar óz kúshin toqtatady.