Ulybrıtanııa kompanııasy Aqtaý qalasynyń ınfraqurylymdyq nysandarynyń qurylysyna ınvestıtsııa salmaq
30 naýryz kúni Mańǵystaý oblysy ákimdigi men «Global Project Capital Ltd» arasynda ózara túsinistik týraly memorandýmǵa qol qoıyldy. Qujatqa aımaq basshysy Eraly Toǵjanov jáne kompanııanyń bas dırektory Kennet Fýlton qol qoıdy.
Memorandým Aqtaý qalasyndaǵy ınfraqurylymdyq jáne kóliktik nysandardyń, jol qurylysy salasyndaǵy jobalardyń kezeń-kezeńimen júzege asyrylýyndaǵy yntymaqtastyqty kózdeıdi. Jergilikti atqarýshy organ óz kezeginde ınjenerlik ınfraqurylymdy - gaz, sý, elektr jelilerin, jol jáne jylý júıesin júrgizip berý jumystaryn mindetine ala otyryp, 800 gektar kóleminde jer ýchaskelerin jalǵa beredi.
- «Global Project Capital Ltd» kompanııasy qarjy resýrstaryn bólip, oblystyń áleýmettik damýyna úles qosatyn boldy. Bolashaqta bizdiń yntymaqtastyǵymyz jaqsy nátıjelerge jetkizetinine senimdimin. Búgingi tańda biz týrıstik shaǵyn aýdannyń qurylysy boıynsha jobany júzege asyrýdy bastap kettik. Jospar boıynsha jańa shaǵyn aýdannyń aýmaǵynda medıtsınalyq mekemeniń, mekteptiń, oıyn-saýyq nysandary men saýda ortalyqtarynyń qurylystary júrgiziletin bolady. Sondaı-aq, jańa jumys oryndary ashylady. Bizdiń tarapymyzdan ınfraqurylymdy júrgizýge qatysty barlyq jumystar jasalady, - dep atap ótti Mańǵystaý oblysynyń ákimi Eraly Toǵjanov.
Josparlanyp otyrǵan nysandarǵa - sý tazalaý men jylý júıeleri, Aqtaý halyqaralyq áýejaıy men Aqtaý halyqaralyq teńiz saýda portyn damytý, jasyl energııa kózderin (kún jáne jel) paıdalana otyryp suıytylǵan tabıǵı gaz ben tehnologııalardy qoldaný arqyly energııany jetkizý, medıtsınalyq jáne ózge de áleýmettik nysandardy qarjylandyrý, oblystaǵy aýyl sharýashylyǵyn damytý, jylyjaı keshenderiniń qurylysy men azyq-túlik taýarlaryn shyǵarý, iri týrıstik nysandardy turǵyzý sekildi salalarǵa jańa tehnologııalar engizý kiredi. Alǵashqy kezeńge 500 mln. AQSh dollary kóleminde ınvestıtsııa bólinedi.
- Búgin biz úlken jobamyzdy iske asyrý jolynda alǵashqy qadamymyzdy jasadyq. Jasyl energetıka kózin paıdalana otyryp ári qaraı Mańǵystaý oblysynyń jurtshylyǵyna berý jáne sý tazalaý, sáýlet, bilim men densaýlyq saqtaý salalaryna jańa ınnovatsııa ákelý arqyly osy óńirdiń damýyna óz úlesimizdi qosýdamyz. Bul qala jańa tehnologııalar boıynsha alynǵan jáne qurylǵan shahar bolmaq. Ol teńiz jaǵalaýynan bastalyp, úıler ósý deńgeıi boıynsha turǵyzylady. ıAǵnı basynda shaǵyn úıler salynsa, sodan keıin uzyn jáne odan da uzyn úıler boı kóteredi. Úılerdiń jartysy shyny shatyr sekildi dálizder arqyly baılanysatyn bolady, olarǵa aýa-raıyn baqylaıtyn qondyrǵylar ornalastyrylady. Barlyq úılerde tek qana jer asty parkıngteri bolady, - dep atap ótti «Global Project Capital Ltd» kompanııasynyń dırektory Kennet Fýlton.
Ózara yntymaqtastyqtyń tıimdi bolýy úshin jáne jobalardy sapaly iske asyrý úshin birlesken kásiporyn qurylatyn bolady.