Ulybrıtanııa qazaqstandyq munaı men gazdy eksporttaý joldaryn izdeýde kómekke daıyn

ASTANA. QazAqparat – Ulybrıtanııa qazaqstandyq ónimderdi eksporttaýdyń balama joldaryn tabý jolynda elimizge qoldaý kórsetýge nıetti. Bul týraly atalǵan eldiń Syrtqy ister mınıstri Djeıms Kleverlı elordaǵa sapary barysynda málim etti, dep habarlaıdy QazAqparat tilshisi.

«Mende qazaqstandyq munaı men gazdy tasymaldaý máselesin talqylaý múmkindigi boldy. Ulybrıtanııa tarapynan qazaqstandyq ónimderdi eksporttaýdyń balama joldaryn tabý úshin «Orta dáliz» jobasyn qoldaýda ne isteı alatynymyz aıtyldy», - dedi Djeıms Kleverlı Syrtqy ister mınıstrliginde ótken resmı kezdesýden keıin BAQ ókilderiniń saýalyna jaýap berip.

Onyń aıtýynsha, Ulybrıtanııa qazaqstandyq ekonomıkalyq bazany qorǵaý jáne ártaraptandyrý tásilderin jetildirýde Úkimetpen birge jumysty jalǵastyrady.

«Qazaqstannyń halyqaralyq áriptesterimen jumys isteýde birneshe nusqanyń bolýy bizdiń múddemizge saı keledi. Brıtandyq tájirıbeniń, ınvestıtsııanyń kómegimen ártaraptandyrý múmkindigin damytýda belsendi ról atqaramyz», - deıdi ulybrıtanııalyq meıman.

Aıta keteıik, Ulybrıtanııanyń Syrtqy ister mınıstri Djeıms Kleverlı alǵash ret resmı saparmen Qazaqstanǵa keldi.