Ulybrıtanııa Qazaqstandaǵy bilim berý bazasyn nyǵaıtpaq

ASTANA. QazAqparat - Ulybrıtanııa tarapy «Astana» halyqaralyq qarjy ortalyǵyna barynsha qoldaý jasaýǵa nıetti. Bul týraly Ulybrıtanııa jáne Soltústik Irlandııa Birikken Koroldiginiń elimizdegi Tótenshe jáne ókiletti elshisi Maıkl Gıfford málim etti, dep habarlaıdy QazAqparat.

«Sońǵy birneshe aıda brıtandyq belgili saıasatkerler, sýdıalar jáne túrli sarapshylar yntymaqtastyqty nyǵaıtý maqsatynda Astanaǵa saparmen keldi. Sonymen aldaǵy jyly London meri halyqaralyq jáne óńirlik qarjylyq hab retinde Astananyń damýyna óz qoldaýyn bildirý úshin osynda saparlamaq. «Astana» halyqaralyq qarjy ortalyǵynda (AHQO) aǵylshyn quqyǵyn engizý  - bul Ortalyq Azııa úshin biregeı qadam. Atap aıtqanda, biz AHQO qyzmetine barynsha qoldaý jasaýǵa nıettimiz», - Maıkl Gıfford Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Brıtan úkimetaralyq komıssııasynyń besinshi otyrysynda.

Budan bólek Elshi brıtandyq tarap taıaý jyldary Qazaqstandaǵy jumys kúshine arnalǵan bilim berý bazasyn nyǵaıtýǵa nıetti ekenin atap ótti.

«Sonymen qatar, Ulybrıtanııa tarapy munaı-gaz, taý-ken, bilim berý, sýmen qamtamasyz etý, aýyl sharýashylyǵy salalarynda yntymaqtastyqty jalǵastyrýǵa múddeli», - dedi M. Gıfford.

Budan buryn habarlanǵandaı, QR Investıtsııalar jáne damý mınıstri Jeńis Qasymbek Qazaqstan men Ulybrıtanııa yntymaqtastyǵynyń jaǵdaıyna baǵa bergen bolatyn.