Ulybrıtanııa indettiń órshýine baılanysty qatań shekteýlerdi qaıta engizýi múmkin

NUR-SULTAN. QazAqparat - Eger aýrýdyń órshýi men aýrýhanaǵa jatqyzý qajettiligi joıylmasa, Ulybrıtanııa memlekettik densaýlyq saqtaý júıesin qorǵaý úshin koronavırýstyń qatań shekteýlerin qaıtarýy múmkin, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń málimetinshe, koronavırýspen aýyrǵan patsıentterdiń aǵymy sonshalyqty kúsheıe tústi, bul jergilikti dárigerlerdiń basqa aýrýlary bar naýqastarǵa tıisti kómek kórsetý múmkindigine taǵy da qaýip tóndiredi. Mysaly, bılik koronavırýsqa arnalǵan jańa aýqymdy tegin testileý, sondaı-aq mindetti maska rejımi týraly oılanýda.

Epıdemıologııalyq jaǵdaıdyń nasharlaýyna baılanysty Indonezııa Úkimeti de 22 shildeden bastap keıbir kovıdke qarsy qaǵıdalaryn ózgertý týraly sheshim qabyldady. Atap aıtqanda, týrısterge elge saıahattaý úshin PTR testi qajet bolady.

Eger Indonezııanyń qonaǵy Balı aralyna ushyp, sodan keıin ıAvaǵa barýdy sheshse, onda ol koronavırýsqa PTR zertteý júrgizý úshin aqsha tóleýge májbúr bolady. Sonymen qatar, bir aımaqtaǵy saparlar úshin (mysaly, Balıden Nýsa Lembongan jáne Nýsa Penıda araldaryna) test jasaýdyń qajeti joq.

Vaktsınatsııalanǵan týrıster úshin elge kirý qaǵıdalary ózgermeıdi: olar vaktsınatsııa týraly sertıfıkatty usynýy kerek, bul elde «Spýtnık V» vaktsınasy tanylady. Eger saıahatshyda mundaı qujat bolmasa, oǵan memlekettik medıtsınalyq mekeme bergen vaktsınaǵa medıtsınalyq qarsy kórsetilimderi bar degen qujatty kórsetýine bolady. Bul qujat aǵylshyn tiline aýdarylyp, notarıýspen kýálandyrylýy tıis.

Máskeýdegi koronavırýs jaǵdaıyn baqylaý jáne monıtorıngileý jónindegi jedel shtab qala turǵyndaryna jabyq qoǵamdyq oryndarda betperde taǵýǵa keńes berilgenin habarlady.

Reseı Federatsııasynyń astanasynda, kóptegen Eýropa elderindegideı, COVID-19 ınfektsııasyn juqtyrýdyń ósýi baıqalady, biraq jedel shtab qalada aýrýdyń deńgeıi búginde Eýropaǵa qaraǵanda tómen ekendigin atap ótti.

Foto: cdn.mediaworks.hu