Ulybrıtanııa Eýropada alǵashqy ǵarysh aılaǵyn salmaq
10:20, 05 Naýryz 2015
ASTANA. QazAqparat - Brıtanııalyq úkimet Birikken Koroldikte ǵarysh aılaǵyn salý bastamasyn qoldady. 2018 jyly qoldanysqa berilýge kózdelgen nysan Eýropadaǵy alǵashqy ǵarysh aılaǵy bolmaq, dep habarlady Hi-News.
Jańa bazadan ǵaryshqa kommertsııalyq ushyrýlar men halyqaralyq reıster júrgiziledi dep kútilýde. Úsh aılyq keńesten keıin úkimet qurylysqa arnalǵan oryn bola alatyn jerler tiziminiń sanyn beske deıin qysqartty. Ol Shotlandııadaǵy Kempbeltaýn, Glazgo Prestvık jáne Stornoveı áýejaılary, Nıýkveı (Anglııa) men Llanbedr (Ýels).
Jańa ǵarysh aılaǵy halyqaralyq ushý ýaqytyn qysqartady. Jobaǵa qatysýshylardyń aıtýynsha, bolashaqta Ulybrıtanııadan Avstralııaǵa ushý úshin 14 saǵat emes, 2 saǵat qana ýaqyt ketedi.