Ulybrıtanııa Elshisi qazaq tilinde Naýryz merekesimen quttyqtady

ASTANA. QazAqparat - Qazaqstandaǵy Ulybrıtanııa elshisi Kerolın Braýn qazaq tilinde Naýryz merekesimen quttyqtady, dep habarlaıdy elshiliktiń baspasóz qyzmetinen.

«Qurmetti qazaqstandyqtar, Sizderdi Naýryz merekesimen quttyqtaımyn, jer júziniń túrlenip, tabıǵattyń jańarýymen erekshelenetin jarqyn kóktem merekesi sizderdi tek jetistikke jetelesin. Bul kún - izgi tilekter aıtylatyn erekshe mereke.

Osy sátti paıdalana otyryp, sizderge, otbasylaryńyzǵa baqyt, densaýlyq, tabystar tileımin. Naýryz kójemen birge úılerińizge shattyq uıalap, máńgilik baq syılasyn.

Taǵy da Naýryz merekesimen quttyqtaımyn!» - dep jazylǵan quttyqtaýda.