Ulybrıtanııa Elshiligi mıssııasynyń basshysy QR OSK ókilderimen kezdesti

ASTANA. QazAqparat - Búgin QR Ortalyq saılaý komıssııasy tóraǵasynyń orynbasary Vladımır Foos Ulybrıtanııa men Soltústik Irlandııa Birikken Koroldigi Elshiligi mıssııasy basshysynyń orynbasary Sara Pıkerıngpen kezdesti. Bul týraly QR OSK baspasóz qyzmetinen habarlady.

Kezdesý barysynda taraptar aǵymdaǵy saılaý naýqanynyń kezeńderi men erekshelikterin, daýys berý qorytyndysy boıynsha daýystardy sanaý protsedýrasyn, Qazaqstan halqy Assambleıasynan Parlament Májilisi depýtattyǵyna saılaý ótkizý erekshelikteri jáne máslıhat depýtattaryn saılaý máselelerin talqylady.

Mıssııa basshysy álemdegi aǵymdaǵy qarjylyq jaǵdaıda eki saılaý naýqanyn qosa ótkizý arqyly bıýdjet qarajatyn únemdeýdi Qazaqstannyń oń tájirıbesi retinde atady.

Kezdesý qorytyndysynda V.Foos saılaý protsessin uıymdastyrý salasynda tájirıbe almasý túrli elderdiń saılaý organdary arasyndaǵy ekijaqty qarym-qatynasty damytýdyń, ulttyq saılaý júıesin odan ary damytýdyń jańa joldary men ádisterin aıqyndaýdyń tıimdi ádisteriniń biri bolyp sanalatyndyǵyn atap ótti.

Kezdesýge QR OSK músheleri Marat Sársembaev pen Tatıana Ohlopkova qatysty.