Ulybrıtanııa Astanadaǵy Sırııa jónindegi kelissózderdiń perspektıvasyna pikir bildirdi

ASTANA. QazAqparat - Astanadaǵy Sırııa jónindegi kelissózderdiń nátıjesi eger ol soǵysty toqtatý rejimi men gýmanıtarlyq júktiń kedergisiz jetkizilýi máseleleri boıynsha senimdi qalyptastyrýǵa septigin tıgizse, onda Jenevadaǵy BUU qamqorlyǵymen ótetin sırııaaralyq  konsýltatsııalar úshin jaqsy negiz qalaıdy. 

Mundaı pikirdi Reseıdiń Jańalyqtar agenttigine suhbat bergen Ulybrıtanııanyń Sırııa jónindegi arnaýly ókili Garet Beılı aıtty,  dep habarlaıdy QazAqparat.

Ol Londonnyń Reseı, Túrkııa jáne Irannyń Astana kelissózderindegi jumystaryn qoldaý bildiretindigin atap ótken.

«Meniń túsinýimshe, bul kelissózderde negizgi nazar soǵysty toqtatý rejimi men gýmanıtarlyq kómek jetkizý máselerine aýdaryldy. Biz Reseı tarabynyń soǵysty toqtatý rejimin tolyqtaı saqtalýy úshin barynsha qysym kórsetkendigin qalaımyz», - dedi Beılı.

«Eger Astanada aıaqtalǵan kelissózder soǵysty toqtatý rejimi men gýmanıtarlyq júkti jetkizýdi qamtamasyz etýde aıtarlyqtaı senim qalyptastyra alatyn bolsa, onda bul Jenevada saıası kelissózder júrgizý úshin jaqsy negiz bolatyn edi», - dedi arnaýly ókil.

Aıta keteıik, Jenevadaǵy Sırııa jónindegi kelissózder  resmı Damaskiniń, sonymen birge túrli oppozııalyq toptar ókilderiniń qatysýymen 20 aqpanda ótedi dep josparlanǵan. Qazirgi ýaqytta qatysýshylar quramy jasaqtalý ústinde.

Eske salar bolsaq, 23-24 qańtarda Astanada sırııalyq retteý jónindegi halyqaralyq kezdesý ótti.  Odan keıin 6 aqpanda Astanada Sırııa daǵdarysyn retteý boıynsha xalyqaralyq texnıkalyq kezdesý uıymdastyryldy.  Eki kúnnen keıin, naqty aıtqanda 15 aqpanda elordada taqy bir kezdesý uıymdastyrylmaq. Sırııa boıynsha ótetin kezdesýge AQSh-tyń qatysatyndyǵy belgili.