«Uly Jibek joly» týraly jańa kitap jaryq kórdi

ALMATY. 25 jeltoqsan. QazAqparat - Búgin Almatyda Qytaı, Qazaqstan, Ózbekstan, Túrikmenstan, Iran, Sırııa, Egıpet, Túrkııa, Italııa elderindegi tarıhı-mádenı muralar týraly «Uly Jibek joly» dep atalalatyn jańa kitaptyń tusaýkeseri ótti. Bul jazýshy-pýblıtsıst, rejısser-dokýmentalıst, telejýrnalıst Anvar Mamraımovtyń áıgili Jibek joly týraly besinshi kitaby bolyp otyr.

«Qazaq, orys, aǵylshyn tilderinde basylǵan bul kitapqa 500-den astam fotosýretter enip otyr. Jalpy meniń telejýrnalıst retindegi alǵashqy joljazbalarym «Uly Jibek jolyndaǵy kezdesý» degen atpen 1991 jyly jaryq kórgen bolatyn. Odan keıin onyń keńeıtilgen nusqasy 2000 jyly basyldy. 2009 jyly qazaq, orys, aǵylshyn tilderindegi «Uly jibek jolyndaǵy kıeli jerler» jaryq kórdi», - deıdi A. Mamraımov. Onyń aıtýynsha, Jibek joly boıyndaǵy qalalar men ózge de sáýlet eskertkishteriniń bári birdeı áli jurtshylyqqa tanys emes. Salt-dástúri men ustanatyn dinine qaramastan ózara tatý-tátti ómir súrgen Jibek joly boıyndaǵy halyqtardyń álemdik mádenıetti damytýǵa qosqan úlesi orasan zor.