Uly Jeńistiń nátıjelerin jas tolqynǵa durys dáripteý qajet - Z. Ahmetova

ASTANA. Naýryzdyń 5-i. QazAqparat /Rýslan Ǵabbasov/ - Uly Jeńistiń nátıjelerin jas tolqynǵa durys dáripteý qajet. Bul týraly búgin Aqordada halyqaralyq áıelder kúnine arnalǵan sharada jazýshy, halyqtyq pedagogıkasy «Káýsar bulaq» baǵdarlamasynyń avtory Zeınep Ahmetova málim etti,

dep habarlaıdy QazAqparat.

«Qazir Uly Jeńistiń 65 jyldyǵyna oraı batystyń buqaralyq aqparat quraldarynda bul Jeńistiń qundylyqtaryn, sonyń nátıjesin basqa qyrynan kórsetip, basqasha baǵa berý, teris jaǵynan burý kádimgideı naýqan bolyp bara jatyr», dedi Z. Ahmetova.

Osy oraıda ol shet tilin jaqsy biletin, ǵalamtordy keńinen paıdalanatyn jastarymyzdy bul teris pikirler adastyrýy múmkin ekendigine qaýip bildirdi.

Aramyzda tamǵan tamshydaı qadaý-qadaý qalǵan ardagerlerimizdiń ómirlik tájirıbesin, sondaı-aq olardyń danalyǵyn, ásirese otansúıgishtigin, adaldyǵyn osy oqý oryndarynda, mektepterde, bala baqshalarda tárbıe jumystary turǵysynda paıdalaný óte jaqsy bolar edi», dedi Z. Ahmetova.