Uly Jeńistiń 70 jyldyǵyna arnalǵan esse baıqaýy jarııalandy
22:00, 12 Naýryz 2015
ASTANA. QazAqparat - «Qazaqstan 2050» Jalpyulttyq qozǵalysy «Samuryq-Qazyna» ulttyq ál-aýqat qorynyń, sondaı-aq QR Bilim jáne ǵylym mınıstrliginiń qoldaýymen,Eýrazııalyq Medıa Forýmmen jáne «KTK» telearnasymen birlese, mektep oqýshylary arasynda UOS Jeńisine qazaqstandyqtardyń qosqan úlesine arnalǵan esse jazýdan respýblıkalyq baıqaý ótkizedi.
Bul týraly «Qazaqstan 2050» Jalpyulttyq qozǵalysynyń baspasóz qyzmeti habarlady.
Baıqaý 5-8 synyp (1 top) jáne 9-11 synyp (2 top) oqýshylary arasynda uıymdastyrylyp otyr.
Ár topqa usynylǵan esse taqyryptarymen, baıqaýǵa qatysý sharttarymen jáne jumysqa qoıylatyn talaptarmen Erejeden tanysa alasyzdar.
Árbir oblystan, sondaı-aq ár toptan úsh úzdik jumystar anyqtalady. Jeńimpazdar aqshalaı syılyqqa ıe bolady. Al respýblıka boıynsha úzdik dep tanylǵan jumystardyń avtorlary QR Bilim jáne ǵylym mınıstriniń maqtaý qaǵazymen marapattalady.
Esseni zhenis70esse@gmail.com elektrondy meken-jaıyna jiberý qajet.