Uly Jeńistiń 68 jyldyǵyna oraı elordalyq alty ardager baspanamen qamtamasyz etildi
Bul týraly Astana qalasy ákimdiginiń baspasóz qyzmetinen habarlandy.
Elordada UOS ardagerlerine páter berý kezegi 2010 jyly joıyldy. Turǵyn úıge muqtaj ardagerler Astana qalasy Turǵyn úı basqarmasyna esepke alynǵan boıda sol jyly memlekettik turǵyn úı qorynan baspanamen qamtamasyz etiledi. 2009-2013 jj. aralyǵynda qaladaǵy UOS qatysýshylary men múgedekterine elordanyń ınfraqurylymy damyǵan jańa turǵyn úı keshenderinen turmysqa jaıly 210 páter berildi.
Búgingi tańda Astanada 291 ardager tirkelgen. Onyń ishinde - 215 UOS qatysýshy jáne 76-sy UOS múgedekteri.
UOS ardagerleri -áleýmettik qorǵalatyn azamattar tobynyń kezek boıynsha kommýnaldyq baspanaǵa ıe bolatyn jalǵyz sanaty emes. 2013 jyldyń basynan beri ǵana kezekte turǵan 263 adamǵa arendalyq baspana berildi.
2009 jyldan beri halyqtyń áleýmettik áljýaz toptaryna jatatyn - múgedekter, kópbalaly otbasylar, múmkindigi shekteýli bala tárbıelep otyrǵan otbasy jáne t.b. barlyǵy 11 sanat boıynsha 1 391 páter berildi. Osylaısha 1986 jyldan 2004 jyldyń sáýirine deıin kezekte turǵan azamattar baspanamen qamtamasyz etildi. Jyl saıyn salynatyn jáne turǵyndarǵa beriletin arendalyq turǵyn úı kólemi boıynsha Astana elimizde kósh bastaýshylardyń biri bolyp tabylady. Biraq, sońǵy jyldary halyqtyń elordaǵa ózge óńirlerden qonys aýdarýy saldarynan ishki mıgratsııanyń artýyna baılanysty baspana kezegine turýshylar sany da kóbeıip keledi. Eger 1998 - 2007 jylǵa deıingi aralyqta turǵyn úı alýǵa kezekke turǵandar sany 6 myń adamnan sál ǵana astam bolsa, al 2008-2012 jyldar aralyǵynda 17 myń bolǵan. ıAǵnı kezekke turý 220%-ǵa artqan. Jyl saıyn turǵyn úıge muqtajdar qataryna kezekke turýǵa 5000 azamat keledi.
Búgingi tańda Astanada baspanaǵa muqtajdar kezeginde «Turǵyn úı qatynastary týraly» QR Zańyna sáıkes baspanaǵa ıe bolýda jeńildik alýǵa quqyly 26 679 azamat esepte tur.