Uly Jeńistiń 65 jyldyǵyna oraı Qazaqstanda 282 myńǵa jýyq medal daıyndaldy

STANA. Sáýirdiń 15-i. QazAqparat /Rýslan Ǵabbasov/ - Uly Jeńistiń 65 jyldyǵyna oraı Qazaqstanda 282 myńǵa jýyq medal daıyndaldy. Bul týraly QR Qorǵanys mınıstrliginiń baspasóz hatshysy Qaısar Muǵalov málim etti,

dep habarlaıdy QazAqparat.

«Uly Jeńistiń 65 jyldyǵyna oraı omyraý medali bekitildi. Onymen soǵys ardagerleri jáne jeńiske eleýli úles qosqan tyl eńbekkerleri marapattalady»,-dedi ol.

Bul medalder Óskemendegi moneta zaýytyndy daıarlanǵanyna toqtalǵan baspasóz hatshysy, «jalpy 281 myń 900 medal daıyndaldy. Búginde elimizde 14 myń 400 Uly Otan soǵysy ardagerleri bar. Sonymen qatar tylda eńbek etken 258 myń adamǵa osy omyraý belgisi tabystalady. Sáýirdiń 20-synan bastap jergilikti atqarý organdary medalderdi tarata bastaıdy»,-dedi.

Atap aıtqanda, bundaı biryńǵaı omyraý belgisimen Reseı jáne basqa da memleketter Uly Otan soǵysyna qatysqan ardagerlerin marapattaıdy.