Uly Jeńistiń 65 jyldyǵyn toılaýǵa arnalǵan sharalardy nasıhattaýǵa qatysatyn jýrnalısterdi tirkeý bastaldy

ASTANA. Naýryzdyń 29-y. QazAqparat /Rýslan Ǵabbasov/ - Qazaqstandaǵy Reseı Elshiligi Uly Jeńistiń 65 jyldyǵyn toılaýǵa arnalǵan Máskeýdegi sharalardy nasıhattaýǵa qatysatyn jýrnalısterdi tirkeý bastalǵanyn jarııalady.

Bul týraly búgin Astanada ótken aptalyq brıfıngte Syrtqy ister mınıstrliginiń baspasóz hatshysy Іlııas Omarov aıtty, dep habarlaıdy QazAqparat.

«Sheteldik tilshilerdiń akkredıtatsııa alýy úshin Uly Jeńistiń 65 jyldyǵyn merekeleýdiń resmı saıtyndaǵy (www.may9.ru) anketany toltyrý qajet. Onda uıymdastyrylatyn sharalarǵa qatysty jáne buqaralyq aqparat quraldarynyń sharalardan habar taratý kestesi turǵysynda tolyq aqparat qamtylǵan»,-dedi ol.

Tirkeýden ótýge ótinimder naýryzdyń 31-i saǵat 17.00-ge (Máskeý ýaqyty boıynsha) deıin qabyldanbaq.