Uly Jeńistiń 65 jyldyǵyn atap ótýge atsalysqan mektep oqýshylary marapattaldy
dep habarlaıdy QazAqparat.
Jeńis merekesi qarsańynda Aýǵan soǵysy ardagerleri odaǵy men Almaty qalalyq Jastar saıasatyn damytý basqarmasy, Bilim basqarmasy birigip «Estelik kezekshiligi» sharasyn ótkizgen bolatyn. Onda qala mektepteriniń oqýshylary 1 apta boıy 28 panfılovshylar saıabaǵyndaǵy Dańq memorıaly janynda saltanatty qaraýylǵa turǵan edi. Sondaı-aq olardyń arasynda áskerı kıim kııý, sapqa turý, saltanatty sherý, qaraýyldy aýystyrý boıynsha ózara saıys ótken. Búgingi shara barysynda saıys qorytyndysy shyǵarylyp, №56 Q.Sátbaev atyndaǵy mektep 1-shi, № 131 mektep 2-shi, № 163 mektep 3-shi oryndy ıelendi. Olarǵa arnaıy estelik medal men baǵaly syılyq tabys etildi. Sondaı-aq sharaǵa belsene qatysqan osy mektepterdiń 60 oqýshysy da arnaıy maqtaý qaǵazymen marapattaldy. Qalalyq jastar saıasatyn damytý basqarmasynyń bastyǵy Baqtııar Mákenniń aıtýynsha, bul shara jylda ótkiziletin bolady.