«Uly Jeńiske myń taǵzym» atty sýret baıqaýy márege jetti

STANA. Mamyrdyń 20-sy. QazAqparat /Jasulan Amanbaıuly/ - Búgin Astanada Qazirgi zamanǵy óner murajaıynda «Uly Jeńiske myń taǵzym» atty sýret baıqaýynyń jeńimpazdary marapattalyp, olardyń eńbekteri qoıylǵan kórme uıymdastyryldy,

dep habarlaıdy QazAqparat.

Baıqaýǵa beıneleý ónerinde erekshe qabiletimen kórinip júrgen 4-14 jas aralyǵyndaǵy barlyǵy 257 jas sýretshi qatysty. Konkýrstyń basty maqsaty - sýret ónerindegi talantty balalardy anyqtaý, balalardyń shyǵarmashylyq jáne kórkemdik qabiletterin jetildirý, týǵan eldiń batyrlaryn, ardagerlerin qurmettep, jastardy otansúıgishtikke tárbıeleý. Soǵys taqyrybyna arnalǵan týyndylar keskindeme, músindeý, qoldanbaly kórkemóner janrlary boıynsha oryndaldy.

Uly jeńistiń 65 jyldyǵyna arnalǵan shara «Nur Otan» HDP-niń Astana qalalyq fılıaly, qalalyq Bilim basqarmasy jáne «Tomırıs» isker áıelder klýbynyń qoldaýymen ótkizildi.

Qazylar alqalary aldaryna kelgen týyndylardyń basym bóliginde jastardyń Otanǵa, elge degen súıispenshilikteri, jalpy Qazaqstan azamaty retindegi patrıottyq sezimderi kórinis tapqan. Jas daryndar óz eńbekterinde damyǵan, gúldengen Qazaqstandy kórsetýge tyrysqan.

Qazirgi zamanǵy óner murajaıynda «Uly Jeńiske myń taǵzym» balalar týyndylarynyń kórmesi bir aıǵa jalǵasady.