ULY JEŃІS: 1944 jyly A. Súleımenovti sol jaq keýde qaltasyndaǵy jarynyń haty ajaldan aman alyp qalǵan edi

ASTANA. QazAqparat - Almaty aýyr mashına jasaý zaýytynyń shoıyn quıý tsehynyń burynǵy bastyǵy, qurmetti metallýrg Aıtbaı Súleımenovtiń taǵdyry bir kitap, fılmge arqaý bolarlyq.

Ol maıdanǵa 1942 jyly attandy. 220-shy atqyshtar dıvızııasy 653-shi atqyshtar polkiniń tankige qarsy artıllerııa vzvodynyń komandıri bolǵan.

Qysta 1944 jyly Vıtebskide aıqas 12 saǵatqa sozyldy. Ol úsh ret jaraqattandy. Bir oq júreginiń dál tusynan ótken. Ony gımnasterkasynyń sol jaq keýde qaltasyndaǵy áıeliniń haty qutqaryp qaldy. «Jigitim, seni mahabbat qutqardy. Endi júz jasaısyń», - dep aıtqan hırýrgtiń sózin esine aldy ardager. Onyń aıtýynsha, búginde tek bir hat qana úıinde saqtalǵan, qalǵany Sankt-Peterbýrg, Mınsk, Kıev murajaılarynda saqtalýda.

A. Súleımenovke ota jasaǵan dárigerdiń aýzy dýaly boldy. Qyzyl juldyz ordenimen, birinshi dárejeli Otan soǵysy, eki Eńbek Qyzyl Týy ordenimen marapattalǵan ardager 1 mamyrda 101-ge keldi.

Ánde aıtylǵandaı, «Ózim úshin de, sol jigit úshin de ómir súrip júrmin», - dedi Aıtpaı Álbaevıch.